மோட்டரோலாவை கூகுள் கைப்பற்றியது

மோட்டரோலா செல்போன் நிறுவனத்தின் முழுப் பங்கையும்  ரூ.68,750 கோடிக்கு கூகுள் நிறுவனம் கைப்பற்றியது. கடந்த 14 ஆண்டுகளுக்கு முன் தொடங்கப்பட்ட கூகுள் நிறுவனம், தற்போது உலக அளவில் மிகவும் பிரபலமான தேடுதல் தளமாக விளங்குகிறது. இந்நிறுவனம் செல்போன் தயாரிப்பு நிறவனமான மோட்டரோலாவை வாங்க 9 மாதங்களுக்கு முன் திட்டமிட்டது.

இந்நிலையில்,  ரூ.68,750 கோடி கொடுத்து மோட்டரோலாவின் முழு பங்கையும் கூகுள் கைபற்றியுள்ளது. மேலும், மோட்டரோலாவின் தலைமை செயல் அதிகாரியாக (சிஇஓ) இருந்த சஞ்சய் ஷா பதவி விலக முடிவு எடுத்ததை தொடர்ந்து, அதன் புதிய தலைமை செயல் அதிகாரியாக டெனிஸ் யூட்சைட் நியமிக்கப்பட்டுள்ளார். இருப்பினும் தங்கள் நிறுவனத்துடன் இணைந்து சஞ்சய் ஷா பணிபுரிவார் என்று கூகுள் சிஇஓ லாரிபேஜ் தெரிவித்தார்.

விண்டோஸ் 8 - ஜூன் முதல் வாரம் வெளியீடு

பிரபல மென்பொருள் நிறுவனமான மைக்ரோசாப்ட், தனது இயங்குதள வரிசையில் விண்டோஸ் 8வது பதிப்பை முடித்து வெளியிட காத்திருக்கிறது.

தற்போது, நுகர்வோர் முன்னோட்டத்திற்காக விண்டோஸ் 8 இலவச பதிவிறக்கம் வழங்கப்படுகிறது.

குறைகள், கருத்துகளை பயனர்களிடமிருந்து பெறுவதற்காக மைக்ரோசாப்ட் இந்த இலவச பயன்பட்டு வசதியை செய்துள்ளது.

இந்நிலையில், விண்டோஸ் 8 வெளியீடு முன்னோட்டம் வரும் மே மாதம் முதல் வாரம் நடைபெற உள்ளதாக மைக்ரோசாப்ட் அறிவித்துள்ளது. மேலும், முழு பதிப்பு இந்த ஆண்டின் இரண்டாவது பாதியில் வெளியிட இருப்பதாகவும் கூறப்படுகிறது.

Knowledge Graph: கூகுள் தேடலின் அடுத்த தலைமுறைக்கான புத்தம் புதிய வசதி...

கூகுள் தேடுபொறி என்றும் முதலிடத்தில் இருப்பதற்கு காரணம் அது எப்பொழுதும் தனது தேடல் முடிவுகளை மாற்றம் செய்துக் கொண்டே இருப்பது தான். தற்போது Knowledge Graph என்ற பெயரில் மேலும் ஒரு பெரிய மாற்றத்தை செய்துள்ளது கூகுள்.
பொதுவாக தேடல் பொறிகளில் நாம் ஏதாவது வார்த்தைகளை தேடினால் அந்த வார்த்தைகளை குறியீடுகளாக(Keywords) எடுத்துக் கொண்டு அது தொடர்பான இணையப் பக்கங்களை நமக்கு காட்டும். இந்த முறையினை தான் கூகுளும் பின்பற்றி வந்தது.
தற்போது Knowledge Graph என்ற பெயரில் தேடும் வார்த்தைகள் பற்றிய தகவல்களை தேடல் முடிவு பக்கத்தில் பக்கப்பட்டியில்(Sidebar) காட்டப் போகிறது.
உதாரணத்திற்கு Taj Mahal என்று தேடினால் இந்த இரண்டு வார்த்தைகளைக் கொண்ட இணையப் பக்கங்களை தேடல் முடிவில் காட்டும். இனி இவற்றுடன் சேர்த்து பக்கப்பட்டியலில்(Sidebar) Taj Mahal பற்றிய தகவல்களையும், அது தொடர்பான வேறு தேடல்களையும் காட்டும்.
மேலும் Google Knowledge Graph மூலம் பிரபலங்கள், முக்கிய கட்டிடங்கள், முக்கிய அடையாளங்கள்(Landmarks), திரைப்படங்கள், விண்வெளிப் பொருட்கள், கலைப்பொருட்கள் உள்ளிட்ட பல்வேறு விசயங்களைப் பற்றி உடனடித் தகவல்களை நாம் பெற்றுக் கொள்ளலாம். இதன் மூலம் நமது நேரம் மிச்சமாகும்.
கூகுளின் அறிவு வரைபடத்தில்(Knowledge Graph) இதுவரை 500 மில்லியன் பொருட்களும்(Objects) 3.5 மில்லியன் தகவல்களும் சேமிக்கப்பட்டுள்ளன.
முதலில் அமெரிக்க பயனாளர்களுக்கு மட்டும் இந்த வசதியை தந்த கூகுள் இப்போது அனைவரும் பயன்படுத்துமாறு செய்துள்ளது.

 http://www.thinakkural.com/index.php?option=com_content&view=article&id=14607:knowledge-graph-------&catid=292:it-a-technology&Itemid=463