சட்ட விரோத மருந்து பரிசோதனை 3 ஆண்டில் 1500 பேர் பலி உச்சநீதிமன்றம் கவலை

 புதுடெல்லி : நாட்டில் நடைபெறும் சட்டவிரோத மருந்து பரிசோதனையை தடுத்து நிறுத்த நடவடிக்கை எடுக்க வேண்டும் என மத்திய அரசுக்கு உச்சநீதிமன்றம் உத்தரவிட்டுள்ளது.
மனிதர்களுக்கு புதிய மருந்துகளை அறிமுகப்படுத்தும் முன் அதை பன்னாட்டு நிறுவனங்கள் சோதித்து பார்ப்பது வழக்கம். இது குறித்து உச்சநீதிமன்றத்தில் டாக்டர்கள் குழுவினர் ஒரு பொதுநலன் வழக்கு தாக்கல் செய்தனர். அதில் கூறியிருப்பதாவது:

கடந்த சில ஆண்டுகளாக நாட்டில் உள்ள ஏழைகள், சிறுவர்கள், ஆதிவாசிகள், தலித்கள் என 3 ஆயிரத்து 300க்கும் அதிகமானோரிடம் சட்டவிரோதமாக மருந்து பரிசோதனை நடத்தப்பட்டுள்ளது. இதில் அரசு டாக்டர்கள் 15 பேர், 10 தனியார் மருத்துவமனைகளைச் சேர்ந்த 40 டாக்டர்கள் ஈடுபட்டனர். மனநலம் பாதிக்கப்பட்ட 233 பேரிடமும், 1,833 குழந்தைகளிடமும் சோதனை நடந்துள்ளது. இதற்காக அரசு டாக்டர்களுக்கு மட்டும் ரூ.5.5 கோடி பணம் வழங்கப்பட்டுள்ளது. இந்த சோதனையில் 3 ஆண்டுகளில் 1500 பேர் பலியாயினர். இதை தடுக்கும் வகையில்,புதிய விதிமுறைகளை பரிந்துரை செய்வதற்கு நிபுணர் குழுவை அமைக்க நீதிமன்றம் உத்தரவிட வேண்டும்.

இவ்வாறு மனுவில் கூறப்பட்டிருந்தது. இந்த வழக்கு நீதிபதிகள் ஆர்.எம். லோதா, எச்.எல். கோகலே முன்னிலையில் நேற்று விசாரணைக்கு வந்தது. இத்தகவலை கேட்டு கவலையடைந்த நீதிபதிகள், ‘‘ இது குறித்து மத்திய அரசும், இந்திய மருத்துவ கவுன்சிலும் 6 வாரங்களுக்குள் பதில் அளிக்க வேண்டும். விசாரணை ஜூலை  13ம் தேதிக்கு ஒத்திவைக்கப்படுகிறது’’ என்றனர்.

கூகுள் தேடலின் சிறப்பம்சங்கள்

மக்களுக்கு முதன் முதலில் பிரபலமான தன் தேடல் சாதனத்தின் நற்பெயரை தக்க வைத்துக் கொள்ள கூகுள் ஏதேனும் வசதிகளைத் தொடர்ந்து அறிமுகப்படுத்தி வருகிறது.கூகுள் தேடல் விண்டோவினை கால்குலேட்டர் விண்டோவாகவும் பயன்படுத்தலாம். சயின்டிபிக் கால்குலேட்டராகப் பயன்படுத்தக்கூடிய வகையில் இது தரப்படுத்தப்பட்டுள்ளது.
94/36*(sqrt 34)^3 என்று கொடுத்தாலும் சரியான விடை கிடைக்கும். சில கணக்கிடும் அடையாளங்களுக்குச் சொற்களையும் தரலாம். எடுத்துக்காட்டாக 96 divided by 36 times (sqrt34)^3 என்றும் தரலாம்.
சில அலகுகளுக்கிடையே மாற்றங்களையும் இதில் கண்டறியலாம். mm to inch, Fahrenheit to Celsius எனக் கொடுத்து யூனிட் மாற்றத்தையும் அறியலாம்.
ஒரு சிலர் நாம் எதனைக் கொடுத்தாலும் சரியாக அதனை மட்டும் கொடுக்காமல் சார்ந்த அனைத்தையும் தருகிறதே என்று பலர் இது குறித்து சொல்வதைக் கேட்கலாம். நம் தேடல்களைக் குறிப்பிட்ட ஒன்றின் அடிப்படையில் மட்டும் கிடைக்கும்படி அமைக்கலாம்.
அவற்றில் சில:
+ என்று கொடுத்தால் சில குறிப்பிட்ட சொற்களைக் குறிப்பாகத் தேடும் படி அமைக்கலாம். எ.கா.––netbook
+11.6 +ion- (மைனஸ் அடையாளம்) கொடுத்தால் குறிப்பிடும் சொற்களைத் தவிர்த்து தேடுக என்று பொருள். எ.கா. – gaming keyboard logitech
* இதனை கம்ப்யூட்டர் சார்ந்த சொற்களுடன் குறிப்பிடுவார்கள். அதாவது தெரியாத சொற்களுக்கான அடையாளம். traditional * food என்று கொடுத்தால்(*) இந்த அடையாளம் உள்ள இடத்தில் வேறு எந்த சொல்லையும் சேர்த்து தேடிக் கொடு என்று பொருள்.
~ இந்த அடையாளம் கொடுத்தால் அடுத்துள்ள சொல் வழக்கமாக எந்த சொற்களுடன் ஜோடியாகப் பயன்படுத்தப்படுமோ அவை எல்லாவற்றையும் தேடி எடுத்துக்கொடு என்று கட்டளை அமைக்கிறோம். எ.கா. first computer build ~help எனக் கொடுத்தால் அது அனைத்து வகையான ஹெல்ப் வகைகளும் பட்டியலிடப்படும்.
.. குறிப்பிட்ட எண் வரிசை தொடர்ச்சியாக வேண்டுமா? எடுத்துக்காட்டாக விலை ரேஞ்ச், திகதி ஆகியவற்றைக் குறிப்பிடலாம். எ.கா. – halo pc $0..$15
குறிப்பிட்ட கோப்பு வகைகளை மட்டும் தேடிக் கொடுக்கும்படி filetype: என்ற சொல் கொண்டு தேடலை அமைக்கலாம். எடுத்துக்காட்டாக filetype: pdf எனத். தரலாம்.
ஓர் இணையத்தளத்தினைத் தேடக் கட்டளை கொடுக்கையில் அதே பொருளில் உள்ள மற்ற தளங்களைக் காட்டும்படியும் தேடலை அமைக்கலாம். எடுத்துக்காட்டாக related:sciencetv.com என அமைக்கலாம்.
site: என்ற சொல் கொடுத்து குறிப்பிட்ட தளத்தில் மட்டும் ஒன்றைத் தேடும்படி அமைக்கலாம். எடுத்துக்காட்டாக mango site:vegetables.com எனக் கொடுத்து அந்த தளத்தில் மட்டும் இந்த சொல் எங்கு உள்ளது எனத் தேடலாம்.